Իրան
Իրանի Իսլամական Հանրապետության սահմանադրության 15–րդ հոդվածը.
ԻԻՀ պետական լեզուն հանդիսանում է պարսկերենը։ Բոլոր պետական փաստաթղթերը պետք է լինեն պարսկերեն լեզվով։ Բոլոր դասագրքերը պետք է լինեն պարսկերեն լեզվով։
Դպրոցներում բոլոր առարկաները դասավանդվում են պարսկերեն լեզվով։ Տեղական և գավառական բարբառները կարող են դասավանդվել, բայց միայն պարսկերեն լեզվի կողքին։
Թուրքիա
Հատված Թուրքիայի Հանրապետության Սահմանադրությունից.
«Բացի թուրքերենից, ոչ մի այլ լեզու չպետք է դասավանդվի որպես Թուրքիայի քաղաքացիների մայրենի լեզու՝ բոլոր կրթա-ուսումնական հիմնարկներում: Օտար լեզուները, որոնք անհրաժեշտ է դասավանդել կրթա-ուսումնական հիմնարկներում, և օրենքները, որոնց պետք է հետևել օտար լեզուների ուսուցման դպրոցներում՝ սահմանվում են օրենքով: Միջազգային համաձայնագրերի դրույթները պահպանվում են»:
Ադրբեջան
Ադրբեջանի Հանրապետության օրենքը «Ադրբեջանական Հանրապետության պետական լեզվի մասին»
Հոդված 5. Պետական լեզվի օգտագործումը կրթության ոլորտում
5.1. Ադրբեջանի Հանրապետությունում կրթությունը տարվում է պետական լեզվով։
Վրաստան
Վրաստանի օրենքը «Հանրակրթության մասին»
Հոդված 4. Ուսուցման լեզուն
Հանրակրթական հաստատություններում կրթության լեզուն վրացերենն է, իսկ Աբխազիայի ինքնավար հանրապետությունում՝ վրացերենը կամ աբխազերենը:
